Ժամանակահատվածը՝ հուլիս-օգոստոս
Մասնակիցներ՝ Հյուսիսային դպրոցի 2-րդ դասարանի սովորողներ, այլ դպրոցի սովորողներ
Իրականացման վայրը՝ Ընտանեկան դպրոց
Նախագծի նպատակը և ընթացքը
Սովորողների մոտ զարգացնել ընթերցելու, ներկայացնելու, հետազոտելու, ուսումնասիրելու և տարբեր նախագծերով ինքուրույն աշխատելու հմտություններ։
Աշխատանքային ուղղություններ՝
- Ամառային ընթերցանություն
Առաջարկվող գրքերից ընտրի՛ր որևէ մեկը, կամ էլ քո նախընտրած գիրքը, և ընթերցի՛ր: Ամռանը կարող ես օգտվել կրթահամալիրի «Տիգրան Հայրապետյան» գրադարանից:
Առաջարկում եմ հետևյալ ցանկը՝
- Նիկոլայ Նոսով «Անգետիկի և նրա ընկերների արկածները»
- Ալան Ալեքսանդր Միլն «Վինի Թուխը և բոլոր-բոլորը»
- Աստրիդ Լինդգրեն «Երեք վիպակ Մանչուկի ու Կառլսոնի մասին»
- Աստրիդ Լինդգրեն «Էմիլը Լյոնեբերգիայից»
- Կարլո Կոլլոդի «Պինոքիոյի արկածները»
- Դոնալդ Բիսեթի «Հեքիաթներ»
Քո ընտրությամբ ընթերցածդ գրքերից կամ ստեղծագործություններից մեկը (կամ մի քանիսը) ներկայացրո՛ւ հետևյալ ուղղություններով՝
- Ինչի՞ մասին էր:
- Ովքե՞ր էին հերոսները:
- Ամենահետաքրքիր, ամենազարմանալի դրվագը, արարքը ներկայացրո՛ւ նկարի (paint ծրագրով) տեսքով ու համառոտ պատմի՛ր:
- Գիրքը կամ պատմությունը քեզ դո՞ւր եկավ, ինչպե՞ս կներկայացնես այս գիրքը կամ պատմությունը, որ ընկերներդ էլ ցանկանան այն կարդալ:
Հարցերի պատասխանները ներկայացրո՛ւ Power point-ի, ռադիոնյութի կամ տեսանյութի տեսքով։ Մեծերի օգնությամբ հրապարակի՛ր համացանցում: Չմոռանա՛ս հղումն ուղարկել m.abrahamyan@mskh.am էլեկտրոնային փոստին:
2. Ամառային ճամփորդություն
Էլ ի՞նչ ամառ առանց ընտանեկան ճամփորդությունների: Պատմի՛ր ամառային ճամփորդության (կամ ճամփորդությունների) մասին:
Պատումն իր մեջ կարող է ներառել.
- տեղեկություններ տվյալ վայրի, տեղանքի մասին,
- այցելությունների, արկածների, առօրյայի, անսովոր ու սովորական դեպքերի, հանդիպումների, ստացած տպավորությունների մասին։
Թեման ներկայացրո՛ւ ֆոտոշարքի, տեսանյութի, հարցազրույցի կամ պատումի տեսքով։ Մեծերի օգնությամբ հրապարակի՛ր համացանցում: Չմոռանա՛ս հղումն ուղարկել m.abrahamyan@mskh.am էլեկտրոնային փոստին:
3. Ազգային և բակային խաղեր
Ծանոթացի՛ր «Ազգային խաղեր» փաթեթին, խաղա՛ բակի ընկերների, ընտանիքի անդամների հետ, ներկայացրո՛ւ տեսանյութի տեսքով։
4. Ընտանեկան կինոթատրոն (մուլտֆիլմի, ֆիլմի դիտում…)
Առաջարկում եմ դիտել հետևյալ մուլտֆիլմերը: Լավ կլինի դու էլ քեզ դուր եկած մուլտֆիլմերն առաջարկես՝ տեսանյութի կամ ձայնանյութի միջոցով:
- Երաժշտական մուլտֆիլմերի փաթեթ
- Անահիտը
- Անգետիկի և նրա ընկերների արկածները
- Ցանկը համալրվում է․․․
Լրացուցիչ ուսումնական ռեսուրսներ
- Ստուգի՛ր մաթեմատիկական գիտելիքներդ՝ գրանցվելով Քան ակադեմիա կայքում։
- Շախմատի ուսումնական տեսադասերի փաթեթ
- Բլոգավարության ուսումնական տեսադասերի փաթեթ
Ամփոփումներն՝ այստեղ։
Քեզ մաղթում եմ ուրախ ու ուսումնական ամառ:
Մանուշակ Աբրահամյան և 3.1 դասարան 